काठमाडौं । सेयर बजारमा एकल अंकको सामान्य गिरावट भएको छ । साताको दोस्रो कारोबार दिन सोमबार नेप्सेमा दिनभर उतारचढावबीच ३.३४ अंकको सामान्य गिरावट हुँदा १८१८.३१ अंकमा बन्द भएको छ ।
विकास बैंक, वित्त कम्पनी, उत्पादनमुलक र लघुवित्त उपसूचकमा वृद्धि भएपनि बजारलाई लिड गर्ने बैंकिङ सहितका अधिकांश उपसूचक गिरावट हुँदा नेप्से पनि सामान्य घटेको छ । सोमबार उत्पादनमूलक उपसूचक सर्वाधिक ०.५२ प्रतिशतले वृद्धि हुँदा लघुवित्त उपसूचक ०.३४ प्रतिशत र विकास बैंक उपसूचक ०.३१ प्रतिशतले वृद्धि भएको छ ।
निर्जीवन बीमा उपसूचक ०.६२ प्रतिशतले गिरावट हुँदा बजारलाई लिड गर्ने बैंकिङ उपसूचक ०.३१ प्रतिशतले गिरावट भएको छ । बजार परिसूचक नेप्सेमा गिरावट हुँदा कारोबार रकम पनि घटेको छ । आइतबार ९० करोडको कारोबार भएको बजारमा सोमबार घटेर ७२ करोड ६५० लाखमा झरेको छ । २० हजार १५८ वटा कारोबारमा २३ लाख ४१ हजार २४० कित्ता सूचीकृत धितोपत्र किनबेच हुँदा उक्त रकमको कारोबार भएको हो ।
प्रतिक्रिया दिनुहोस्