‘करोडौँ पर्ने बङ्गला तिमिलाई कसले किन्दियो ?’

धनगढी । सरकारले नक्कली भुटानी शरणार्थी प्रकरणको फाइल खोलेसँगै अहिले देशभर भ्रष्टाचारविरुद्धको आवाज चर्किएको छ ।

त्यसैमाथि सोही प्रकरणमा मुछिएका पूर्वगृहमन्त्री बालकृष्ण खाँण पक्राउ परेसँगै झनै यो प्रकरण थप चोटीलो बनेको छ । यसै पनि यो प्रकरणमा पूर्वगृमन्त्री मात्र होइन अन्य भिआईपीका छोराहरु पनि पक्राउ परेका छन् ।

यसैबीच नक्कली भुटानी शरणार्थी प्रकरणमा पक्राउ पूर्जी जारी भएका टोपबहादुर रायमाझी फरार भएदेखि उनको खोजीकार्यका लागि देशभरबाट दबाबमुलक प्रदर्शन हुन थालेका छन् ।

सोही क्रममा शुक्रबार काठमाडौंको माइतीघरमा पनि भ्रष्टाचारविरुद्ध प्रचण्ड सरकारले चालेको पहललाई धन्यवाद दिँदै र थप भ्रष्टाचारका फाइल खोल्न आग्रह गर्दै प्रदर्शन गरिएको छ । सो प्रदर्शनमा प्रदर्शनकारीहरुले ‘करोडौंको बङ्गाल तिमिलाई कसले किन्दियो’ लगायतका पम्प्लेट प्रदर्शन गरेका थिए ।