प्रधानमन्त्री दाहालद्वारा संवैधानिक परिषद्को बैठक आह्वान

काठमाडौँ : प्रधानमन्त्री पुष्पकमल दाहाल ‘प्रचण्ड’ले संवैधानिक परिषद्को बैठक आह्वान गरेका छन्।

प्रचण्डले सोमबार साँझ ६ बजेका लागि संवैधानिक परिषद्को बैठक बोलाएको सभामुख देवराज घिमिरेको सचिवालयले जनाएको छ।

शनिबार प्रधानमन्त्री प्रचण्ड र प्रमुख प्रतिपक्षी दलका नेता केपी शर्मा ओलीबीच भेटवार्ता भएको थियो।

उक्त भेटपछि बैठक बोलाइएको हो। भोलिको बैठकमा प्रधानन्यायाधीश नियुक्तिको विषयमा छलफल हुने सम्भावना छ।