नामिबियाविरुद्धको खेलमा कुशल भुर्तेलको शतक पुरा

काठमाडौं – कुशल भुर्तेलले आइसीसी विश्वकप लिग २ अन्तर्गत त्रिकोणात्मक एकदिवसीय सिरिजमा नामिबियाविरुद्ध शतक बनाएका छन् ।

त्रिवि क्रिकेट मैदानमा नामिबियाले दिएको २८६ रनको लक्ष्य पछ्याएको नेपालका लागि कुशलले शतक पूरा गरेका छन् ।

९९ बल खेलेका कुशलले ९ चौका र ४ छक्काको सहयोगमा १०० रन पूरा गरे ।

कुशलको शतकसँगै नेपालले ४२ओभरको समाप्तिमा ५ विकेट गुमाएर २४० रन बनाएको छ ।  यसअघि पहिले ब्याटिङ गरेको नामिबियाले ५० ओभरमा सम्पूर्ण विकेट गुमाउँदै २८५ रन बनाएको थियो ।