कुमारी आमाको नामले परिचित निहारिका राजपुत र शिवराज श्रेष्ठ बैवाहिक बन्धनमा बाँधिए

काठमाडौं – कुमारी आमाको नामले परिचित निहारिका राजपुत र प्रेमी शिवराज श्रेष्ठ बैवाहिक बन्धनमा बाधिएका छन् । उनीहरु लगनगाँठो कस्न जनकपुरको जानकी मन्दिर पुगेका थिए । उक्त मन्दिरमा उहाँहरुले विवाह गरेका हुन् ।

निहारिकाले शिवराजमाथि बलात्कारको आरोप लगाउँदै मुद्दा दायर गरेकी थिइन् । उक्त मुद्दा विचाराधीन छँदै धनुषा जिल्ला अदालतमा उनले शिवराजसँग मिलापत्र गरिन् । उनीहरूबीच विवाह गरेर श्रीमान–श्रीमतीका रूपमा मिलेर बस्ने समझदारी भएको थियो । उनीहरूका पहिल्यै एक छोरा छन् ।

विवाहमा निहारिकाको माइती परिवार उपस्थित नभएपनि शिवराजको परिवार र निहारिकाका केही साथीहरू भने विवाहमा उपस्थित भएका थिए ।