काठमाडौं – सञ्चार तथा सूचना प्रविधिमन्त्री रेखा शर्माले राष्ट्रिय स्वतन्त्र पार्टीलाई पुनः सरकारमा ल्याउने प्रयत्न भइरहेको बताएकी छिन् ।
मंगलबार मन्त्रिपरिषद् बैठकका निर्णय सुनाउन गरिएको पत्रकारसम्मेलनमा सञ्चारकर्मीहरुले राखेका जिज्ञासामा उनले यस्तो बताएकी हुन् । उनले राष्ट्रिय स्वतन्त्र पार्टीले सरकारलाई दिएको समर्थन फिर्ता नलिसकेकाले सरकार संकटमा नरहेको बताइन् । उनले सरकार छोड्नु पार्टीको स्वतन्त्र अधिकार भएकाले अहिले पार्टीलाई पुनः सरकारमा ल्याउन राजनीतिक ढंगबाट पहल गरिएको पनि बताइन् ।
मन्त्री शर्माले कृषकहरुले तरकारी फालेर बिरोध जनाइरहेका बारे सरकारको ध्यानाकर्षण भएको बताइन् । उनले विचौलीयाका कारण परेको मूल्य प्रभाव समस्या समाधानका विषयमा छलफल भैरहेको पनि बताइन् ।
प्रतिक्रिया दिनुहोस्