काठमाडौँ – कैलालीको धनगढी उपमहानगरपालिकाकी उपप्रमुख कन्दकला रानाले विद्यार्थीबाट सलामी लिएर राष्ट्रपति रनिङ शिल्ड प्रतियोगिताको समुद्घाटन गरेकी छन् ।
उपमहानगरपालिका वडा नम्बर ८ स्थिति धनगढी नमुना प्राविधिक विद्यालयको प्राङगणमा आइतबारबाट शुरू भएको प्रतियोगितामा मार्चपासमा सहभागी विद्यार्थीले प्रमुख अतिथि नगर उपप्रमुखलाई सलामी अर्पण गरेका थिए भने नगर उपप्रमुख रानाले सलामी फर्काएकी थिइन् । कार्यक्रममा उनले विद्यार्थीहरूलाई खेलप्रति रुचि बढाउन र क्षमता बढाउन प्रतियोगिता आयोजना गरिएको बताइन् । नगरभित्र ७३ सामुदायिक विद्यालय छन् । नगर उपप्रमुख रानाले रातो कार्पेटमा सलामी लिएकी हुन् ।
उनले रातो कार्पेटमा सलामी खेलअनुसार नै लिएको शिक्षक तथा साहित्यकार चक्र नेपाली बताउँछन् । ‘उहाँ खेलको नियम अनुसार मार्च पासको बेला उभिनुभएको हो । खेलकै नियम अनुसार रातो कार्पेट बिछ्याइएको हो ।’
प्रतिक्रिया दिनुहोस्