गगन थापाको समर्थकमा काँग्रेसका ३ युवा

काठमाडौँ – नेपाली काँग्रेसका प्रभावशाली ३ जना युवानेताहरु गगनकुमार थापाको समर्थक बनेका छन् । काँग्रेसका उपसभापति धनराज गुरुङ, महामन्त्री विश्वप्रकाश शर्मा र प्रदीप पौडेल थापाको समर्थक बसेका हुन् । थापाले भोली हुने नेपाली काँग्रेसको संसदीय दलको नेतामा उम्मदेवारी दिएका छन् । थापा शेखर समुहबाट सर्वसम्मत उम्मेदवार बनेका छन् भने प्रधानमन्त्री समेत रहेका काँग्रेस सभापति शेरबहादुर देउवा समुहबाट देउवा स्वयं उम्मेदवार बनेका छन् । अब संसदीय दलको निर्वाचनमा देउवा र थापाबीच प्रतिस्पर्धा हुनेछ ।